Faşizm üzərində qələbədən 78 il ötür

09.05.2023

Faşizm üzərində qələbədən 78 il ötür


Bu gün alman faşizmi üzərində qələbədən 78 il ötür. Ölkəmizdə bu gün rəsmi bayram kimi qeyd olunur, müxtəlif tədbirlər keçirilir.

Bildirək ki, 1939-cu il sentyabrın 1-də faşist Almaniyası ildırımsürətli “Barbarossa” planı əsasında Polşanı işğal edib. Bununla da bəşəriyyət tarixinə ən qanlı müharibə kimi daxil olan İkinci Dünya müharibəsi başlayıb.

1941-ci il iyunun 22-də Hitler Almaniyası keçmiş SSRİ-yə hücum edib. Müharibə 1945-ci il mayın 9-da Berlindəki Reyxstaq binası üzərindən faşizm bayrağının endirilməsi və SSRİ-nin bayrağının sancılması ilə başa çatıb.

Bu savaşda Azərbaycandan 660 min şəxs döyüşüb. 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfər “Şərəf” ordeni, 170 min soydaşımız SSRİ-nin müxtəlif orden və medalları ilə təltif edilib.

İkinci Dünya müharibəsində Azərbaycan nefti də həlledici amillərdən olub. Belə ki, 1941-ci ildə Azərbaycan tarixində ən çox – 23,5 milyon ton neft istehsal olunub və bu, SSRİ-də istehsal olunan neftin 71,4%-ni təşkil edib.

Ümumilikdə, müharibə illərində Azərbaycan neftçiləri Sovet İttifaqına 75 milyon ton neft, 22 milyon ton benzin və digər neft məhsulları veriblər.

Xəbərlər

1 / 349
AZ EN RU